အမေရိကန်ဒေါ်လာ သန်း ၄သောင်းရှစ်ထောင် အသုံးပြုနိုင်ရေး တင်သွင်းထားတဲ့ ဥပဒေကို အမေရိကန်သမ္မတ ဘွတ်ရှ် က လက်မှတ်ရေးထိုး အတည်ပြုလိုက်ပါတယ်။

ဒီငွေကြေးတွေကို လက်ရှိအမေရိကန်ပြည်ထောင်စုရဲ့ အစီအစဉ်တွေအထဲ သန်းနဲ့ချီအသုံးပြုနေတဲ့ အာဖရိက၊ အရှေ့တောင်အာရှ အပါအ၀င် အချို့နိုင်ငံတွေမှာပါ အသုံးပြုသွားမယ်လို့ ဗီအိုအေသတင်းထောက် မိုက်ကယ် ဘိုးမန်း အိမ်ဖြူတော်က သတင်းပေးပို့ထားတာကို မညိုညိုလွင်ကတင်ပြထားပါတယ်။

ကမ္ဘာ့လုံးဆိုင်ရာကျန်းမာရေးစောင့်ရှောက်မှုမှာ အမေရိကန်ပြည်ထောင်စုအနေရဲ့ အကြီးမားဆုံးကြိုးပမ်းမှုတရပ်အနေနဲ့ သမ္မတရဲ့ အရေးပေါ်စီမံချက် PEPFER လို့ခေါ်တဲ့ အေအိုင်ဒီအက်စ်ရောဂါသည်များ ကူညီ ကုသရေးလုပ်ငန်းစဉ်တရပ်ကို ၂၀၀၃ ခုနှစ်ကစပြီး ဆောင်ရွက်ခဲ့တာပါ။ သန်းပေါင်းတသောင်းငါးထောင် အသုံးပြုခဲ့တဲ့ (၅) နှစ်စီမံကိန်းဟာ မကြာမီ ပြီးဆုံးတော့မှာဖြစ်ပါတယ်။ ဒါပေမဲ့လည်း ကွန်ဂရက်လွှတ်တော်က အေအိုင်ဒီအက်စ်၊ ငှက်ဖျားရောဂါနဲ့ တီဘီရောဂါတိုက်ဖျက်ရေးတွေ ဆက်လက်လုပ်ဆောင်နိုင်ဘို့နဲ့ တိုးချဲ့ဆောင်ရွက်နိုင်ဘို့ ဒေါ်လာ၄၈ဘီလီယံ အဆိုပြုခဲ့တာဖြစ်ပါတယ်။

အမေရိကန်ပြည်ထောင်စုရဲ့ နိုင်ငံခြားရေးရာပေါ်လစီအရ အာဖရိကနိုင်ငံတွေကို အဓိကထောက်ပံ့နေပြီး၊ ပက်ဖါး အစီအစဉ်ကို ဆက်လက်လုပ်ကိုင်နေတာဟာ အမေရိကန်နိုင်ငံဟာ မေတ္တာဂရုဏာရှိတဲ့ နိုင်ငံတခုဖြစ် တယ်ဆိုတာကို ပြသလိုက်တာပါပဲလို့ သမ္မတဘွရ်ှက ပြောဆိုလိုက်ပါတယ်။

“လွန်ခဲ့တဲ့ နှစ်အနည်းငယ်ကပဲ HIV/AIDS ဟာ မထိမ်းချုပ်နိုင်အောင် ပျံ့နှံ့ခဲ့ပါတယ်၊ အချုပ်အခြာနယ်မြေတွေ တခုလုံးနီးပါး ပျံ့နှံ့ပြီးရက်ရက်စက်စက် ဖြစ်ပွားခဲ့မှုတွေ ကြုံတွေ့ခဲ့ရပါတယ်။ Botswana လို နိုင်ငံမျိုး မှာ အေအိုင်ဒီအက်စ်ရောဂါက သက်တမ်း (၁၅) နှစ်လောက်ကို ဖြတ်တောက်ခဲ့တာပါ။ သတင်းစာတစောင်မှာရေးထားတာက အေအိုင်ဒီအက်စ်ရောဂါဟာ အသက်အရွယ်အလယ်အလတ်ရှိသူတွေကို ဆိုးဆိုးဝါးဝါး သေဆုံးခဲ့ရပါတယ်။ ဒီကနေ့မှာတော့ တကယ့်ကိုကွဲပြားခြားနာမှုတွေကို မြင်တွေ့လာရပါပြီ။ HIV/AIDS ဟာ ကမ္ဘာပေါ်မှာ လူသားတွေအတွက် အကြီးဆုံးစိန်ခေါ်မှုကြီးတခုဖြစ်တယ်ဆိုတာ ပြောစရာမလိုပါဘူး၊ ဒါပေမဲ့ ဒီစိန်ခေါ်မှုကို ကျနော်တို့ရင်ဆိုင်နေနိုင်ပါပြီ။”

သမ္မတကနေ ဥပဒေမူကြမ်းကိုလက်မှတ်မထိုးမီ အိမ်ဖြူတော် အရှေ့ဘက်ခန်းမမှာ ပြောဆိုခဲ့တာပါ။ HIV ရောဂါပိုးရှိတဲ့ မိခင်တွေထံက ရောဂါကူးဆက်မှုတွေ နည်းပါးလာပေမဲ့ ကမ္ဘာတ၀ှမ်းမှာတော့ ထောင်နဲ့ချီပြီး HIV ဗိုင်းရက်ပိုးရှိသူတွေကို နေ့စဉ်နဲ့အမျှ စစ်တမ်းတွေမှာ တွေ့ရှိနေရပါတယ်။ ဒီလို ၀မ်းနည်းဖွယ်ရာ သတင်းတွေကိုလည်း သမ္မတဘွရ်ှက လက်ခံရရှိခဲ့ပါတယ်။

 “HIV ဗိုင်းရပ်စ် ပိုးရှိနေသူတွေအဖို့ ရှက်နေစရာ အကြောင်းမရှိပါဘူး၊ ရှက်မနေပဲ စစ်ဆေးကုသမှုတွေကိုလုပ်ဘို့ လိုအပ်ပါတယ်၊ ခင်ဗျားတို့ အသက်ဟာ ခင်ဗျားတို့ကို ချစ်ခင်သူတွေရဲ့ ရတနာတပါးပါပဲ၊ ဒါဟာ ဘုရားသခင်ရဲ့ အမြင်မှာလည်း အဘိုးတန်ပါတယ်။”

ကုလသမဂ္ဂရဲ့ အေအိုင်ဒီအက်စ်ဆိုင်ရာ တာဝန်ရှိသူတွေကတော့ ကမ္ဘာ့အနှံ့ ရောဂါပျံ့ပွားမှုနှုန်းဟာ တည်ငြိမ်မှုရှိလာပြီး ဖွံ့ဖြိုးဆဲနိုင်ငံတွေမှာလည်း သေဆုံးမှုနှုန်း ကာကွယ်နိုင်တဲ့ ဆေးဝါးကုသမှုတွေရှိလာနေပြီလို့ ဆိုပါတယ်၊ ဒါပေမဲ့ အေအိုင်ဒီအက်ရောဂါတိုက်ဖျက်ရေးဟာ အောင်မြင်မှုရှိနေပေမဲ့ အချိန်မရွေး အလွယ်တကူ ပြန်လည်ဖြစ်ပွားနိုင်မှုတွေရှိနိုင်တယ်လို့လဲ သတိပေးပြောဆိုထားပါတယ်၊

သမ္မတဘွတ်ရ်ှလက်မှတ်ထိုးခဲ့တဲ့ မူကြမ်းက ပက်ဖာ အစီအစဉ်ကို ပိုမိုတိုးချဲလုပ်ဆောင်သွားနိုင်ဖို့ အတွက် ဖြစ်ပါတယ်။